అక్టోబరులోగా స్థానిక ఎన్నికలు పూర్తి: మంత్రి నారా లోకేష్ కీలక ప్రకటన

రాష్ట్రంలో స్థానిక సంస్థల ఎన్నికల నిర్వహణపై మంత్రి నారా లోకేష్ స్పష్టమైన ప్రకటన చేశారు.

ఎన్నికలు వాయిదా పడే ప్రసక్తే లేదని, అక్టోబరు లోపు ఎన్నికల ప్రక్రియను పూర్తిగా పూర్తి చేస్తామని ఆయన తేల్చిచెప్పారు.

అమరావతిలో జరిగిన టీడీపీ మంత్రుల బ్రేక్ ఫాస్ట్ సమావేశంలో ఈ అంశంపై చర్చ జరిగింది.

అన్ని స్థానాల్లోనూ కూటమి అభ్యర్థులను భారీ మెజారిటీతో గెలిపించాలని మంత్రి మంత్రులకు దిశానిర్దేశం చేశారు.ఈ ఎన్నికల ప్రణాళికలో భాగంగా ముందుగా మున్సిపాలిటీలకు ఎన్నికలు నిర్వహిస్తామని, ఆ తర్వాత ఎంపీటీసీ, జెడ్పీటీసీ స్థానాలకు, చివరగా సర్పంచ్ ఎన్నికలు పూర్తి చేసేలా షెడ్యూల్ ఉంటుందని లోకేష్ స్పష్టం చేశారు.

స్థానిక ఎన్నికలకు పార్టీ శ్రేణులు పూర్తిస్థాయిలో సిద్ధం కావాలని పిలుపునిచ్చారు.